Երևանի Տ. Շևչենկոյի անվան թիվ 42 ավագ դպրոցի աշակերտները դասադուլ են սկսել՝ պահանջելով դպրոցի տնօրենի հրաժարականը:
Այս առնչությամբ դպրոցի տնօրեն Էլեոնորա Թումանյանը «Առաջին լրատվական»-ին ասաց. «Ի՞նչ դասադուլի մասին է խոսքը՝ դպրոցում դասադուլ չկա»: Նրա խոսքով՝ ինքը բազմաթիվ ահազանգեր է ստացել, որ դպրոցի պատմության ուսուցիչ պարոն Սարդարյանը հրահրում է՝ փորձելով աշակերտությանը ներքաշել դասադուլի մեջ:
Տիկին Թումանյանը ենթադրում է, որ պարոն Սարդարյանի նպատակն է հենց իրենց դպրոցում դառնալ տնօրեն. «Բայց իմ կարծիքով՝ նա մի քիչ շտապում է. նրա արարքը ո՛չ ուսուցչի էթիկայի նորմերի մեջ է տեղավորվում, ո՛չ բարոյական նորմերի»:
Դիտարկմանը՝ ասվում է, որ Դուք Հանրապետական կուսակցության անդամ եք և ներքաշված եք եղել ընտրակեղծարարության մեջ, տիկին Թումանյանը պատասխանեց. «Այսօր ով ինչ ուզում՝ ասում է: Կարծում եմ՝ կուսակցական պատկանելությունը հանցանք չէ, ինձ թվում է՝ կարևորը մանկավարժի կերպարն է»:
Մանրամասները՝ տեսանյութում: