Շատ լուրջ խնդիր է դրված նոր Հայաստանում նոր հանրային հեռուստաընկերություն ունենալու շուրջ: Պետք է խդիրների շուրջ քննարկում ծավալել հանրության տարբեր շերտերի հետ և պարզել, թե մեր հասարակությունն ինչպիսի հեռուստատեսություն է ուզում ունենալ: Այս մասին հեռուստատեսության փոփոխության անհրաժեշտության և ձևերի շուրջ «Առաջին լրատվական»- ի հետ զրույցում ասաց հեռուստատեսային ռեժիսոր Արա Շիրինյանը՝ հավելելով, որ պահանջարկից պետք է բխեցնել արդյունքները:
«Այսօր արձանագրվում է ժողովրդի ավելի լայնորեն մասնակցություն կառավարության որոշումներին. իշխանության որոշումները պետք է արժանանան ժողովրդի հավանությանը, հակառակ դեպքում դատապարտված են չիրականանալու,- նշեց Ա. Շիրինյանը: – Հեռուսատեսության և ընդհանրապես մամուլի դերն է կամուրջ հանդիսանալ հանրության և կառավարության միջև, բայց հանրային հեռուստատեսությունն ունի հատուկ կարգավիճակ և պետք է ավելի շատ գործառույթներ իրականացնի, քան միայն կամուրջ հանդիսանալը: Կան նաև չերևացող գործառությներ. լինելով աուդիովիզուալ արվեստի տեսակ՝ հեռուստատեսությունն ունի մի քանի շերտ, որոնցից առաջինը տեքստայինն է, հեռուստատեսությունը որպես պատկերային գերակշռություն ունեցող լրատվամիջոց, ազդում է գիտակցության երկրորդ, երրորդ շերտերի վրա: Օրինակ՝ հեռուստատեսությունը ստեղծում է վարքային կանոններ, առանց ուղիղ քարոզչության ներարկում է հասարակական, ազգային արժեքներ: Բոլոր երկրներում միշտ հեռուստատեսության՝ այս աուդիովիզուալ ազդեցություն ունեցող լրատվամիջոցի ազդեցությունն են օգտագործել կառավարման համար ավելի նպաստավոր պայմաններ ստեղծելու համար»:
Մանրամասն՝ տեսանյութում:
