ԱՄՆ նախագահ Բարաք Օբաման Գերմանիայի կանցլեր Անգելա Մերկելին հրավիրել է այցելել Վաշինգտոն՝ հաղորդում է Deutsche Welle-ի ռուսական ծառայությունը: Դեռևս հայտնի չէ՝ բանակցությունների թեմաներից մեկը կլինի՞ գաղտնալսման թեման, թե ոչ:
Հունվարի 8-ին տեղի ունեցած հեռախոսազրույցի ընթացքում Օբաման շնորհավորել է Մերկելին նոր կաբինետի հաջող ձևավորման կապակցությամբ և նրան շոտափույթ ապաքինում է մաղթել վնասվածքից հետո, որը կանցլերը ստացել է դահուկ վարելիս:
Գերմանիայի կառավարության պաշտոնական ներկայացուցիչ Շտեֆեն Զայբերը հաստատել է, որ կանցլերն ընդունել է ԱՄՆ նախագահի հրավերը: Սպիտակ տան հաղորդագրության մեջ նշվում է, որ Անգելա Մերկելը ԱՄՆ կարող է այցելել առաջիկա ամիսներին:
