Տավուշի մարզի ընդհանուր իրավասության դատարանում Ռաֆիկ Մելքոնյանի նախագահությամբ ավարտվել է Ռուստամ Սարհատյանի գործի դատավարությունը:
Ըստ դատական ակտի՝ 29-ամյա Ռուստամ Սարհատյանը 2013 թվականի օգոստոսի 18-ին, ժամը 23-ի սահմաններում ուրիշի գույքը ոչնչացնելու դիտավորությամբ մուտք է գործել Վազաշեն գյուղի բնակչուհի Գ. Շ.-ին պատկանող տան բակ ու հրկիզման միջոցով ոչնչացրել նրա տունը՝ գույքն էլ հետը: Տուժողին պատճառվել է 16 միլիոն դրամի նյութական վնաս:
Դատարանում Ռուստամ Սարհատյանն իրեն մեղավոր է ճանաչել ու միջնորդել է գործը քննել արագացված կարգով:
Դատարանը Ռուստամ Սարհատյանին մեղավոր է ճանաչել ՀՀ քրեական օրենսգրքի 185 հոդվածի 3-րդ մասի 1-ին կետով և դատապարտել 3 տարի ազատազրկման: Պատժի սկիզբը՝ 2013 թվականի օգոստոսի 23-ից:
Դատարանն արձանագրել է, որ Ռուստամ Սարհատյանի նկատմամբ համաներումը կիրառելի չէ, քանի որ հանցագործությամբ պատճառված վնասը հատուցված չէ:
