Այսօր՝ սեպտեմբերի 13-ին, Ազգային ժողովի պատգամավորների առաջարկությամբ հրավիրվել է ԱԺ արտահերթ նիստ, որի օրակարգում է ԱԺ Քննիչ հանձնաժողով ստեղծելու հարցն է, որի անդամների թիվը պետք է սահմանվի ԱԺ որոշմամբ:
«Նախ՝ դատախազությունը չէր կարող գործ չհարուցել այս գործերի հետ կապված, և կապել դա նրա հետ, որ գործ է հարուցվել, որպեսզի կանխվի Քննիչ հանձնաժողովի ստեղծումը, իրականությանը չի համապատասխանում»,- հայտարարեց «Ելք» խմբակցության պատգամավոր Էդմոն Մարուքյանը՝ հստակեցնելով, որ հանձնաժողովի գործունեության արդյունքում որևէ մեկը քրեական պատասխանատվության չի ենթարկվում, իսկ գլխավոր դատախազության քննության արդյունքներով կարող է ինչ-որ մեկը պատասխանատվության ենթարկվել:
Նրա խոսքով՝ այո, պետք է պարզել ճշմարտությունը, բայց դա չի կարելի անել օրենքը խախտելով. «Ձեր ստեղծած հանձնաժողովը վտանգված է դառնալու պարապ հանձնաժողով: Ի՞նչ է նշանակում գլոբալ՝ փաստեր պետք է ուսումնասիրի այդ հանձնաժողովը»:
Մարուքյանն առաջարկեց «դեմ» քվեարկել, հարցը հանել օրակարգից և նոր նախագիծ բերել:
Մանրամասները՝ տեսանյութում: