Սիրիայում չափավոր իսլամիստ ապստամբներն իրենց վերահսկողության տակ են վերցրել Ռաքքա քաղաքի հյուսիսարևմտյան մի քանի շրջաններ: Ռաքքայում տեղակայված է «Ալ-Քաիդայի» հետ կապ ունեցող «Իսլամական պետությունն Իրաքում և Լևանտում» խմբավորումը: Այս մասին հայտնում է BBC-ն:
Հաղորդվում է նաև, որ ապստամբներն արմատական իսլամիստներից 4 քաղաք են զավթել Հալեպ նահանգում:
Նրանք «Իսլամական պետությունն Իրաքում և Լևանտում» խմբավորմանը, որի հիմնական մասը կազմում են օտարերկրացի մուսուլմանները, մեղադրել են Ասադի դեմ ապստամբությունն իրենց ձեռքը վերացնելու փորձի մեջ:
Ավելի վաղ խմբավորումը, որը ծանր կորուստներ էր կրել սիրիացի այլ ապստամբների հետ մարտերում, վերջնաժամկետ էր ներկայացրել՝ կրակի դադարեցման պահանջով: Խմբավորման ներկայացուցիչը հայտարարել էր, որ եթե խմբավորման վրա հարձակումները չդադարեն, նրա գրոհայինները կդադարեն պաշտպանել Հալեպը կառավարական զորքերից:
