Աղջիկը խոշոր գումար է ծախսել մահացող հոր երազանքն իրականացնելու համար և խաբվել է

Մեծ Բրիտանիայի բնակչուհին շուրջ 3 հազար ֆունտ սթեռլինգ է վճարել շոուի երկու տոմսի համար, որը նշված էր նրա մահացող հոր վերջին ցանկությունների շարքում։ Բրիտանացիներն այդպես էլ ներկա չեն տնվել միջոցառմանը, քանի որ խարդախության հետ են բախվել, գրում է Daily Mail-ը։

30-ամյա Հանա Մաթուրինը Լոնդոնում կայանալիք ամենամյա համերգի տոսմերը ձեռք է բերել Google-ի որոնման արդյունքում առաջինը հայտնված կայքից՝ հայտնի Viagogo ծառայությունից։ Ի վերջո, Մաթուրինը 2959 ֆունտ սթեռլինգ է ծախսել։

Միջոցառումից մի քանի օր առաջ աղջիկը ծառայության հետ է կապվել, քանի որ տոմսերն այպես էլ չի ստացել։ Պարզվել է, որ վաճառողը հավանաբար չէր էլ պատրաստվում առաքել գնումը։ Ծառայությունը յուրաքանչյուրի համար 87 ֆունտ արժողությամբ տոմս է առաջարկել՝ հրաժարվելով փոխհատուցել 2785 ֆունտ սթեռլինգ տարբերությունը։

Մաթուրինը հրաժարվել է գործարքից և բողոքել լրագրողներին։ Նրա հայրը՝ Ջոնը, որը քաղցկեղով է տառապում, իմանալով այդ մասին՝ լաց է եղել։