Այսօր՝ սեպտեմբերի 7-ին, Ազգային ժողովում հրավիրված արտահերթ նստաշրջանում քննարկվում է Քրեական օրենսգրքում փոփոխություններ և լրացումներ կատարելու մասին օրինագիծը 2-րդ ընթերցմամբ ընդունելու հարցը:
«Ելք» խմբակցության պատգամավոր Էդմոն Մարուքյանը իր ելույթում նշեց, որ ինքն աշխատանքային կարգով առաջարկություն էր ներկայացրել քվեաթերթիկ դուրս բերելը նույնպես քրեականացնելու վերաբերյալ. «Խոսքը դատարկ քվեաթերթիկը ընտրատեղամասից դուրս հանելու մասին է, որը տրվում է ընտրակեղծիքների կազմակերպիչներին, որոնք հետո քվեարկած դա տալիս են ընտրողին: Այսինքն՝ խոսքը կարուսելի մասին է»:
Նրա խոսքով՝ նախարարության մոտեցումն այն էր, որ փաստաթուղթ դուրս բերելը արդեն քրեորեն հետապնդելի արարք է. «Բայց քաղաքացիները պետք է իրազեկված լինեն, որ փաստաթուղթ է նաև այն քվեաթերթիկը, որը նա կարող է դուրս բերել»:
Պատգամավորը զգուշացրեց քաղաքացիներին. «Չի կարելի դատարկ կամ քվեարկված քվեաթերթիկը դուրս բերել ընտրատեղամասից: Դա նույնպես կարող է հանգեցնել քրեական հետապնդման»:
Մանրամասները՝ տեսանյութում:
