ԱՄՆ F-22 կործանիչների սեպտեմբերի 1-ին որսացել և ուղեկցել են ռուսական երկու ռազմավարական Տու-95 ռմբարկու-հրթիռակիրների՝ Ալյասկայի ափերի մերձակայքում, միջազգային օդային տարածքում։ Այս մասին հաղորդում է The Washington Free Beacon-ը՝ վկայակոչելով Հյուսիսային Ամերիկայի աերոտիեզերական պաշտպանության միացյալ հրամանատրության ներկայացուցիչ Մայքլ Քուչարեքին։
Նրա խոսքով՝ միջադեպը տեղի է ունեցել Ալյասկա նահանգի ափից արևմուտք ընկած օդային տարածքում։
«Ալյասկայում բազավորված երկու F-22-ները որսացել են և վիզուալ նույնականացրել Ալեության կղզիներից հարավ՝ Ալյասկայի ՀՕՊ ճանաչված տարածքում, թռչող ռուսական երկու Տու-95 հեռահար ռմբարկուներ»,-հայտարարել է Քուչարեքը։
Նա նաև հավելել է, որ F-22-ներն ուղեկցել են ռուսական ինքնաթիռներին մինչև ՀՕՊ ճանաչված գոտին լքելը։
