Միացյալ Նահանգների թշնամիներն իրենց ավելի լավ են վերաբերվում, քան Վաշինգտոնի դաշնակիցները։ Երեքշաբթի օրը նման կարծիք է հայտնել ԱՄՆ նախագահ Դոնալդ Թրամփը՝ ելույթ ունենալով իր կողմնակիցների առաջ, Արևմտյան Վիրջինիա նահանգում։
«Բոլորի հետ, ոչ միայն Չինաստանի, մեզ մոտ միակողմանի երթևեկությամբ ճանապարհ է ստացվում»,– ասել է Թրամփը՝ խոսելով այդ թվում Պեկինի հետ Վաշինգտոնի զգալի առևտրային դեֆիցիտի մասին։ «Մեր թշնամիները մեզ ավելի լավ են վերաբերվում, քան դաշնակիցները»,– հաստատել է նա։
Թրամփը բազմիցս հայտարարել է, որ իրեն դուր չի գալիս Չինաստանի հետ առևտրում դեֆիցիտը։ Հունիսի 15-ին նա հայտարարել էր, որ Չինաստանի կողմից ամերիկյան մտավոր սեփականության և տեխնոլոգիաների իբր գողության, ինչպես նաև Պեկինի կողմից անարդար առևտրային պրակտիկայի պատճառով, ԱՄՆ–ն այդ երկրից ներմուծվող 50 միլիարդ դոլարի չափով ապրանքների վրա 25% հարկ է մտցնում։
