«Հայաստանն այսօր կառավարության 100 օրը դիմավորում է միաբևեռ, երկրորդ բևեռը՝ հակահեղափոխություն, չկա։ Հակահեղափոխությունը պետք է լինեին կա՛մ ռևանշիստները, կա՛մ պետք է երրորդ ուժ, երրորդ շահ ու ծրագիր լիներ, ինչը չկա։ Սա շատ հետաքրքիր վիճակ է, երբ հեղափոխությունը շարժվում է առաջ իր համար թիրախներ փնտրելով»,- «Առաջին լրատվական»-ի հետ զրույցում ասաց ԳԽ նախկին պատգամավոր, նախկին քաղբանտարկյալ Ազատ Արշակյանը։
Նրա կարծիքով՝ այսօր պետք է լինեն սահմանադրական բարեփոխումներ։ Եթե այդ բարեփոխումները չեն արվում, նշանակում է՝ հակահեղափոխությունն այդտեղ մեզ հաղթում է, իսկ այսօր հրապարակում այդպիսի փաստաթուղթ չկա։
«Հաջորդը տնտեսական կոոպերացիան է։ Մենք ասում ենք, որ ունենք քրեաօլիգարխիկ տնտեսական համակարգ։ Այսինքն՝ ռուսական իմպերիան մեզ ներգրավել է իր համակարգում, ու ստացվում է, որ մենք մի բանի մեջ ենք, որի դեմ պայքարում ենք։ Եթե մենք չենք ձևավորում ծրագիր՝ Հայաստանը միացնելու ունևոր, առաջադեմ, մեզ ինչ-որ բան տվող տնտեսական համակարգին, ուրեմն մենք հակահեղափոխականներ ենք»,- հավելեց նա։