Գերմանիայում միայնակ ճանճը խանգարել է փոքր դոմինոյի ռեկորդային երկար շղթայի ընկնելու համաշխարհային ռեկորդ սահմանել։ Այս մասին գրում է Der Spiegel պարբերականը։
Դոմինոյի սիրահարները հավաքվել էին Ֆրանկֆուրտի մոտ Նիդա քաղաքում ռեկորդներ սահմանելու համար։ Երկու շաբաթվա ընթացքում նրանք 600000 գույնզգույն քարերից ֆիգուրներ էին ձևավորում։
«Քարերը ճկույթի եղունգի չափի են։ Ճանճը ժամանակից շուտ գործարկեց շղթայական ռեակցիան, և մենք այլևս ժամանակ չունեինք նորից դրանք դասավորելու»,– պատմել է կազմակերպիչ Պատրիկ Զիները։
Ճիշտ է, մասնակիցներին հաջողվել է այլ ռեկորդներ սահմանել, որոնց թվում՝ Գերմանիայում ամենաերկար շղթայական ռեակցիան. 596 229 դոմինոյի քարերն ընկել են 15 րոպե շարունակ։
