Ավստրալուհին համաձայնել է ընկերոջ հետ առաջին ժամադրությունը անցկացնել լեռներում և միանգամից մի քանի պատահարների մեջ է հայտնվել: Այս մասին հաղորդում է The Mirror պարբերականը:
23-ամյա Սառա Ուայլին իր ընկերոջ հետ գնացել է դեպի Տիբրոգարգան լեռը: Նրա խոսքերով՝ ինքը խոսքով է ընկել տղայի հետ, սահել է և բռնվել ծառի ճյուղից:
Այդ նույն արահետով բարձրանալիս են եղել երեք հրշեջներ, որոնք աղջկան օգնության են հասել: Ճյուղն այնպես է վնասել աղջկա ձեռքը, որ ստիպված են եղել մի քանի կար դնել ձեռքին: Ընթացքում փրկարարներից մեկը սահել է և ուսը դուրս է ընկել, իսկ հետո պարզվել է, որ նրանք կար դնել չգիտեին և դա միայն կռահելով են արել:
Այդ ընթացքում տղան որոշել է լքել աղջկան, քանի որ, ինչպես ինքն է ասել՝ «ուշանում էր աշխատանքից»:
Արդյունքում և աղջիկը և դուրս ընկած ուսով հրշեջը բարեհաջող իջել են սարից: Աղջկան հիվանդանոց են ուղարկել:
Հրշեջներից մեկը պատմել է, որ աղջիկն իրեն բավական տոկուն է պահել: Նա խոստովանել է, որ դա իր առաջին ժամադրությունն է եղել: Չնայած, որ երիտասարդն իրեն լքել է սարերում, աղջիկը նրա հետ հարաբերությունները չի խզել և շարունակում է շփվել:
