Մեքսիկական Դուրանգո նահանգի նահանգապետ Խոսե Ռոսաս Աիսպուրոն հայտարարել է, որ մեքսիկական Aeromexico ավիաընկերությանը պատկանող Embraer 190 ինքնաթիռի աղետի պատճառը քամու պոռթկումն է եղել։ Պաշտոնյայի խոսքերը մեջբերում է La Gaceta Mexicana թերթը։
«Թռիչքի ժամանակ ինքնաթիռը քամու պոռթկումից կտրուկ իջել է և ձախ թևով խփվել է գետնին, ինչի արդյունքում երկու շարժիչներն ընկել են»,– ասել է Աիսպուրոն։
Նա նաև նշել է, որ օդաչուն կայուն ծանր վիճակում է գտնվում։
Ավելի վաղ մեքսիկական իշխանությունները հայտարարել էին, որ աղետից հետո 98 մարդ հիվանդանոց է տեղափոխվել։
