Վլադիվոստոկի բնակիչը փորձել է էլեկտրական հաղորդալարերի վրայով մագլցել մի շենքից դեպի մյուսը: Սակայն էքստրեմալը չէր հաշվարկել իր ուժերը: Հաղթահարելով ճանապարհի գրեթե մեկ երրորդը՝ նա ուժասպառ կախվել է լարերի վրա: Այս ամբողջ ընթացքին սարսափով հետևել են շենքի բնակիչները: Նրանք դեպքի վայր են կանչել փրկարար ծառայություններին: Տեղի ունեցածն իր հեռախոսով նկարել է բնակիչներից մեկը: Ամեն ինչ տեղի է ունեցել, ինչպես ասում են, ուղիղ եթերում: Կանխել դժբախտությունը ոչ ոք չի կարողացել. «սարդ-մարդը» ինչ որ մի պահի պոկվել է մալուխից և ցած է ընկել 9-րդ հարկի բարձրությունից: Դեպքի վայր ժամանած շտապօգնության բժիշկները արձանագրել են նրա մահը:
https://www.youtube.com/watch?v=YWIuy6pkNNg
