Ռուսաստանի նախագահ Վլադիմիր Պուտինը հայտարարել է, որ Ֆուտբոլի աշխարհի գավաթը նպաստել է Ռուսաստանի շուրջ ստեղծված առասպելների վերացմանը: Այս մասին նա ասել է Մեծ թատրոնում կայացած Աշխարհի գավաթի փակմանը նվիրված գալա-համերգի բացման խոսքում՝ գրում է korrespondent.net-ը:
«Մենք ուրախ ենք, որ մեր հյուրերը ամեն ինչ իրենց աչքով տեսան, որ ոչնչացան միֆերը և կանխակալ կարծիքները»,- ասել է Պուտինը՝ հավելելով, որ Ռուսաստանը մեծագույն պատասխանատվությամբ էր մոտեցել միջոցառման կազմակերպմանը, և այն միանգամայն հաջողել է:
