Քաղաքագետ Գևորգ Մելիքյանի խոսքերով՝ Բրյուսելում մեծ ոգևորություն կար թավշյա հեղափոխության գործընթացներով, և Հայաստանից կային որոշակի ակնկալիքներ. «Դա առաջին հերթին վերաբերում է տնային առաջադրանքի կատարմանը, որը յուրաքանչյուր երկրի համար անհրաժեշտ նախապայման է առաջ գնալու համար»,-«Առաջին լրատվական»-ի հետ զրույցում ասաց քաղաքագետ Գևորգ Մելիքյանը։
Մեր զրուցակիցն անդրադարձավ նաև Ադրբեջան-ԵՄ նախաստորագրված փաստաթղթին, ինչպես նաև ՆԱՏՕ-ի ամփոփիչ հռչակագրում Հայաստանի համար խնդրահարույց կետին. «2014 թվականին Ուելսում և 2016 թվականին Վարշավայում նույն տեքստերն ընդունվեցին և նաև այն, որ ասում են՝ իբր մենք չենք մասնակցել, մասնակցել ենք։ Այդ տեքստերը մի փոքր դեկլարատիվ բնույթ ունեն, քանի որ վերաբերում են այն երկրներին ու տարածաշրջաններին, որոնք մաս չեն կազմում ՆԱՏՕ-ին։ Կարծում եմ, որ այդ ընկալումը, որ կա տարածքային ամբողջականության մասին և դա ադրբեջանական կողմի համար է՝ մի փոքր ճիշտ մեկնաբանություն չէ. արված է այնպես, որ որևէ կողմի դիրքորոշումը ոտնահարված չլինի։ Ես այլ տեսանկյունից կնայեի հարցին և շեշտը կդնեի՝ ինչպես է Հայաստանը շարունակելու համագործակցությունը ՆԱՏՕ-ի հետ»։
Հարցազրույցն ամբողջությամբ՝ տեսանյութում։
