Իրավապահ համակարգի և ՊԵԿ-ի կողմից իրականացվող բացահայտումները, ըստ պաշտոնական տեղեկատվության, կոռուպցիայի դեմ պայքարի շրջանակներում իրականացվող գործողություններ են, բացառությամբ ՀՔԾ կողմից Մարտի 1-ի գործի բացահայտման վերաբերյալ հրապարակման: Տարօրիանակ կարող է թվալ, որ ԱԱԾ-ն է առաջատար դեր ստանձնել կոռուպցիոն բացահայտումների հարցում, որպես կանոն, կայուն ժողովրդավարության պետություններում հատուկ մասնագիտացված մարմինն է պայքարում կոռուպցիայի դեմ, բայց Հայաստանում այդպիսի մարմին չձևավորվեց: Ես սխալ չեմ համարում, որ ԱԱԾ-ն է այդ գործունեությունը ծավալում,- «Առաջին լրատվական»- ի հետ զրույցում ասաց իրավաբան, ՄԻԵԴ-ում Մարտի 1-ի զոհերի իրավահաջորդների և քաղբանտարկյալների ներկայացուցիչ Վահե Գրիգորյանը՝ ընդգծելով, որ կոռուպցիոն սխեմաների մեջ ներգրավվածների ցինիզմն ապշեցնող է:
Իրավաբանի դիտարկմամբ՝ նախկինում ձևավորված դատական համակարգի մեջ ևս կա ներուժ, որը կարող է փոխել համակարգը, բայց չպետք է հույսը դնել նրա վրա, որ երկար ժամանակահատվում դատական համակարգը ի վիճակի լինի իրեն վերափոխել. «Համակարգային փոփոխությունները հիմա են անհրաժեշտ, հիմա պետք է կատարվեն կտրկուկ քայլեր, վախենալու ոչինչ չկա»:
Անդրադառնալով Մարտի 1-ի գործին՝ իրավաբանը նշեց, որ Աղվան Հովսեփյանը իր ծանրակշիռ դերն է ունեցել Մարտի 1-ի գործին, որը չի թաքցրել, հաստատել է մարտի 4-ին:
«Մարտի 1-ի գործի առանցքը այս հարցի պատասխանն է. արդյո՞ք այն մահաբեր ուժը, որ կիրառվել է զոհերի նկատմամբ, եղել է բացարձակ անհրաժեշտ, նախկին կառավարության պատասխանը եղել է՝ այո… Մարտի 1-ի գործը միայն 10 սպանված մարդկանց, տասնյակներով վնասված մարդկանց կամ հարյուրներով կալանավորված մարդկանց վերաբերյալ չէ. դա ոտնձգություն էր Հայաստանի սահմանադրական կարգի և ժողովրդավարության նկատմամբ»,- ընդգծեց Վահե Գրիգորյանը՝ հավելելով, որ կառավարության առաջնային պարտականություններից մեկը առնվազն ճշմարտության արձանագրումն է:
Մանրամասն՝ տեսանյութում: