«Դատական իշխանությունը նորովի ձևավորելը երևի ամենաբարդ և ամենանուրբ խնդիրներից է, որը դեռ նոր իշխանությունը պետք է լուծի…
Մենք հիմա պրոցեսի մեջ ենք: Գաղափարները հենց պրոցեսից պետք է ձևակերպվեն: Կան շատ գաղափարներ, բայց պետք է կենսունակ լինեն և իրավիճակին համապատասխան: Ստրատեգիան նույնպես պրոցեսից կբխի»,- այս մասին «Առաջին լրատվական»- ի հետ զրույցում ասաց հրապարակախոս Հրանտ Տեր-Աբրահամյանը:
Նրա խոսքով՝ հասարակությունը շատ գոհ է վերջին շրջանի բացահայտումներից. «Հասարակությունը առաջին հերթին հենց դրա՝ արդարության կարիքն ունի: Բայց սա նույնպես պրոցեսի սկիզբ է, մենք դեռ չգիտենք մինչև ուր են գնալու և որքան են խորանալու այդ բացահայտումները, ինչ ծավալ են ընդգրկելու: Այնուամենայնիվ, այս բացահայտումները հասարակության մեջ հոգեբանական բավարարության զգացում են առաջացնում… Բայց միայն կոռուպցիայի դեմ պայքարելով պետություն չի կառուցվում»:
Տեր-Աբրահամյանի դիտարկմամբ՝ Մարտի 1-ի բացահայտումը հեղափոխության ամենամեծ ալիքն է:
Հրապարակախոսը, անդրադառնալով քաղաքապետի պաշտոնից Տ. Մարգարյանի հրաժարականին, նշեց, որ դրանով ՀՀԿ-ի շանսերը նվազում են, բայց չեն զրոյանում:
Տեր-Աբրահամյանի կարծիքով՝ Հայ Առաքելական Եկեղեցին չի եղել միայն գերազանցապես կրոնական կառույց, որևէ քրիստոնեկան եկեղեցի կամ կրոնական խոշոր կազմակերպություն չի եղել զուտ կրոնական կառույց, այլ միշտ եղել են պետական, քաղաքական, ազգային կառույց: «Հայ եկեղեցու հարցը հայ պետության հարցն է,- ընդգծեց արձակագիրը:
Անդրադառնալով վերջին շրջանում Արցախում տեղի ունեցող ներքին քաղաքական խմորումներին, Ա. Տեր-Աբրահամյանը նշեց. «Արցախում պետք է զգույշ լինել, ռազմաճակտում հեղափոխականությունը բերում է փլուզման. պետք է մնալ միասնական համահայաստանյան պրոցեսի տրամաբանության մեջ»:
Մանրամասն՝ տեսանյութում:
