«Ես ասել եմ, որ ակնկալում եմ առողջացման քայլեր, չլինելու դեպքում ես ստիպված կլինեմ ինքս քայլ անել, այդպես էլ եղավ»,- «Առաջին լրատվական»- ի հետ զրույցում ասաց ԱԺ պատգամավոր Արթուր Գևորգյանը՝ անդրադառնալով հարցին, թե ինչու նա լքեց ՀՀԿ շարքերը: Նա նաև հավելեց, որ կողմնորոշվելու խնդիր կար, ցավոք դա երկար տևեց: «Ստեղծվել էր մի իրավիճակ, որ կարիք կար ԱԺ-ում ավելի առողջ մթնոլորտ ստեղծելու՝ հետագա աշխատանքների համար: Ստեղծվել էր դիզբալանս»,- նշեց պատգամավորը:
Ձեր քայլը կարող է համարվել խորտակվող նավը լքելու գործողություն. այս դիտարկմանն ի պատասխան՝ Գևորգայնը նշեց, որ իրեն ճանաչողներն իր քայլն այդպես չընկալեցին. «Գիտեն, որ եթե նավը խորտակվի, ես նավը վերջին լքողը կլինեմ, բայց քաղաքական գործընթացներում երբեք չի կարելի ասել՝ երբեք: Եթե կա ազգային շահ,ապա դա ավելի կարևոր է»:
«Քաղաքանության, ինչպես և սպորտի մեջ, լինում են հաղթանակներ և պարտություններ, վերջին շրջանում տեղի ունեցածն իհարկե պարտություն էր. սա պարտություն էր սեփական ուժերը ոչ սթափ, ոչ ադեկվատ գնահատելու պատճառով: Ցանկացած պարտությունից հետո, եթե ճիշտ դասավորություններ են անում, ճիշտ հետևություններ են անում, վերադառնալու շանս ունեն»,- ընդգծեց Գևորգյանը:
Պատգամավորը վստահեցրեց, որ ՀՀ բռնցքամարտի ֆեդրեցաիայի նախագահի լիազորությունները դադարեցնելու իր քայլը չի կապում քաղաքականության հետ:
Մանրամասն՝ տեսանյութում: