Եվրահանձնաժողովը ողջունում է «Շահ Դենիզ 2» նախագծի վերաբերյալ վերջնական ներդրումային որոշումը: Ինչպես հայտնում է Ադրբեջանում ԵՄ ներկայացուցչությունը, այդ որոշումը կնպաստի, որ 2019-ի վերջից սկսած Եվրոպան տարեկան 10 մլրդ խորանարդ մետր գազ ստանա: Այս մասին փոխանցում է Gruziya Online-ը:
Եվրահանձնաժողովի ղեկավար Ժոզե Մանուել Բառոզուի խոսքով՝ այսօր ընդունված որոշումը ռազմավարական է և դուռ է բացում Եվրոպայի էներգետիկ անվտանգության ապահովման համար:
«Սա կարևոր փուլ է էներգակիրների մատակարարումների դիվերսիֆիկացման գործում, ինչը մտնում է եվրոպացի սպառողների և ձեռնարկությունների շահերի մեջ»,- ասել է նա:
Էներգետիկ հարցերով եվրահանձնակատար Գյունտեր Օտինգերն այդ որոշումը, որը նախատեսում է Հարավային գազային միջանցքի բացում, գնահատել է որպես իսկական բեկում:
«Շնորհիվ հետագա ընդլայնման, միջանցքը երկարաժամկետ հեռանկարում կարող է ապահովել ԵՄ-ի գազի պահանջարկի մինչև 20 տոկոսը»,- ասել է նա: