Գիտնականները մի շարք հետազոտությունների արդյունքում պարզել են, որ այծերը հանգիստ կարող են մարդու բարեկամ տիտղոսին արժանանալ։ Խելքով և նվիրվածությամբ այս կենդանիները չեն զիջում շներին։
Լոնդոնի Մերի թագուհու համալսարանի գիտաշխատողները նկատել են, որ այծերի մոտ զգայական կապվածություն է առաջանում իրենց տերերի հետ։ Հետազոտության համահեղինակ Քրիստիան Նաուրոթը նշել է. «Եթե այծը մարդուց ինչ որ բան է ուզում ստանալ, նա նրան ուղիղ աչքերի մեջ է նայում։
Մենք ապացուցել ենք, որ այս կենդանիների մոտ շատ ուժեղ է զարգացած մարդու հետ հաղորդակցման համակարգը։ Բարդության մակարդակով այն չի զիջում շների և ձիերի հաղորդակցման մակարդակին»։ Բացի այդ, գիտնականները փորձեր են իրականացրել՝ այս կենդանիներին իրենց համար բարդ իրավիճակներում դնելով։ Նախքան ինքնուրույն դրանց հաղթահարմանն անցնելը՝ այծերը մարդու հայացքն են որսացել և հետևել դրա ուղղությանը։
