Թբիլիսիում ձերբակալվել են Հին Թբիլիսի մայրաքաղաքային շրջանի վարչակազմի նախկին ղեկավար Լաշա Պուրցխվանիձեն և նրա տեղակալ Կոբա Խարշիլաձեն: Այս մասին հայտնում է Gazeta.ru-ն: Նախկին պաշտոնյաներին մեղադրում են անօրինական ձեռնարկատիրական գործունեության և ապօրինի եկամուտների օրինականացման մեջ:
Գործի հետաքննությամբ զբաղվում է Վրաստանի ֆինանսների նախարարության քննչական ծառայությունը:
Պարզվել է, որ երկու նախկին պաշտոնյաները 2007 թվականին այլ անձանց միջոցով հիմնադրել են «Գրինսերվիս» ՍՊԸ-ն: Այդ ընկերությունը մասնակցել և հաղթել է շրջանի կանաչապատման մրցույթներում: Ընդ որում, մրցույթն անցկացնող հանձնաժողովի անդամները եղել են ընկերության իրական տերերը:
Համաձայն նախկին պաշտոնյաների դեմ առաջադրված հոդվածի՝ նրանց սպառնում է 9-12 տարվա ազատազրկում:
