«Մենք ենք առաջարկել, որ ԵԿՄ-ում համանախագահների կամ համակարգող խորհրդի ինստիտուտ գործի, որովհետև մենք տեսել ենք՝ միանձնյա ղեկավարին կա՛մ աստվածացնում են, կա՛մ ինքն է կուլ գնում իշխանություններին»,- «Առաջին լրատվական»-ի հետ զրույցում ասաց ազատամարտիկ Գագիկ Մելքոնյանը:
Նրա խոսքով՝ իրենք նաև ունեն «Ազատամարտիկների դաշինք»-ի փարձը, որին չկարողացան ճնշել. «Եթե մեկ մարդ լիներ, նրան կկարողանային ոչնչացնել, բայց մենք յոթն էինք: Օրինակ՝ Առաքելյան Վովան մինչև հիմա նստած է, բայց դրանից ոչինչ չփոխվեց՝ մենք շարունակում էինք մեր գործունեությունը»:
Գագիկ Մելքոնյանը նշեց, որ ԵԿՄ-ում իրենք 1999-ին ցանկանում էին վերացնել Մանվել Գրիգորյանի միանձնյա իշխանությունը, բայց արդեն ուշ էր. «Մենք ասում էինք, որ դեմ ենք կաշառակերությանը, արտագաղթին, իսկ ինքն ասում էր՝ չագուճ, նալ, մեխ: Մենք չէինք կարող համակարծիք լինել»:
Մանրամասները՝ տեսանյութում:
