Բրիտանացի լուսանկարիչ Ռեբեկա Լիլիթ Բաթորին գիրք է հրապարակել, որտեղ ներառված են աշխարհի հարյուր ամենասարսափելի վայրերի լուսանկարները, որոնք գրավիչ են «մութ զբոսաշրջության» սիրահարների համար։ Այս մասին հաղորդում է The Sun-ը։
Գրքում ներառված են հայտնի փարիզյան կատակոմբաների լուսանկարները, որտեղ ավելի քան 6 մլն մարդու ոսկոր է գտնվում, Էգենբուրգսի դամբարանն Ավստրիայում, որն ամբողջությամբ մարդկային ոսկորներից է կառուցված, Սեդլեցում գոթական վանական գերեզմանոցը (Չեխիա)։
Բաթորին չի շրջանցել նաև զանգվածային մահերով հայտնի պատմական վայրերը։ Նա լուսանկարել է Օսվենցիմը (Լեհաստան)՝ ամենախոշոր ֆաշիստական ճամբարը, Ֆիլադելֆիայում գտնվող Արևելյան պետական բանտը, որտեղ կալանավորներին մեկուսացված էին պահում և նրանք խելագարվում էին։ Ֆոտոնախագծում ներառվել է նաև Չեռնոբիլը, որտեղ 1986-ին ատոմային էներգիայի պատմության մեջ ամենախոշոր վթարն է տեղի ունեցել։
