Վիլնյուսում Ուկրաինայի դեսպանին չորեքշաբթի օրը կանչել են ԵՄ խորհուրդը նախագահող Լիտվայի ԱԳ նախարարություն` կապված Կիևում վերջին իրադարձությունների հետ: Այս մասին հաղորդում է Ria Novosti-ն:
Երեքշաբթի լույս չորեքշաբթի գիշերն իրավապահները Կիևի կենտրոնում ճնշում են գործադրել ցուցարարների վրա, ինչպես նաև հավաքել են բոլոր բարիկադները:
«Դեկտեմբերի 11-ին Լիտվայի ԱԳՆ են կանչել երկրում Ուկրաինայի դեսպան Վալերի Ժովտենկոյին, ում խնդրել են Ուկրաինայի իշխանություններին փոխանցել այսօր գիշերը Կիևի Անկախության հրապարակում խաղաղ ցուցարարների նկատմամբ բռնություն գործադրելու հետ կապված անհանգստությունը»,- նշվում է հաղորդագրությունում:
