ԿՀՎ-ն հրապարակել է ներքին հետաքննության արդյունքները, որոնք հավաստում են, որ գերատեսչության նախկին ղեկավար Լեոն Պանետան բեն Լադենի ոչնչացման մասին գաղտնի տեղեկություն է բացահայտել հոլիվուդյան սցենարիստի ներկայությամբ: Այս մասին հայտնում է Fox News-ը:
Համաձայն հրապարակված նյութերի՝ Պանետան գաղտնի տվյալները հայտնել է 2011-ի հունիսին՝ գերատեսչության կենտրոնակայանում կայացած միջոցառման ժամանակ: Միջոցառմանը ներկա է գտնվել Մարկ Բոելը՝ «Թիրախ համար մեկ» (Zero Dark Thirty) ֆիլմի սցենարիստը: Ֆիլմը հատուկ ջոկատայինների կողմից ահաբեկչի նկատմամբ իրականացված որսի մասին է: Ավելի վաղ այդ մասին հայտնել էր «Պետական վերահսկողության նախագիծ» իրավապաշտպան խումբը, սակայն պաշտոնական մակարդակով այդ տվյալները չէին հաստատվել:
Պանետան հայտարարել է, որ պատկերացում չի ունեցել, թե սրահում կարող էր լինել հոլիվուդյան սցենարիստ: Նրա խոսքով՝ ինքը համոզված է եղել, որ բոլոր ներկաները հասանելիություն ունեն այդ տեղեկատվությանը:
