ՀՀ ԱԳՆ-ն խորհուրդ է տալիս Ղազախստան մեկնելիս փոխել վավերականության ժամկետը լրացած, բայց երկարաձգված անձնագրերը

Ղազախստանն արգելում է այն քաղաքացիների մուտքը, ովքեր ունեն վավերականության ժամկետը լրացված, բայց որևիցե մարմնի կողմից երկարաձգված անձնագրեր:

Լրագրողների հետ հանդիպմանն այս մասին ասաց ՀՀ արտաքին գործերի նախարարության մամուլի խոսնակ Տիգրան Բալայանը: Նա խորհուրդ տվեց ՀՀ այն քաղաքացիներին, ովքեր պատրաստվում են մեկնել Ղազախստան, վավերականությունը լրացված անձնագրերը փոխել  նորերով: