Սոֆյա Սավիլագան թենիսի գնդակի չափով ուռուցքի պատճառով ստիպված է դեմքի կեսը մազերով ծածկել։ Ֆիլիպինների 16-ամյա բնակչուհին ծնվել է արյունով լցված ուռուցքով, որը ժամանակի ընթացքում սկսել է մեծանալ, հաղորդում է Daily Mail-ը։
Աղջիկը, որն ըստ երևույթին ռետինոբլաստոմայով է տառապում, աստիճանաբար կորցրել է տեսողությունը՝ մինչև ուռուցքը թենիսի գնդակի չափսի չի դարձել։ Սոֆյան ասում է, որ ինքն արդեն սովոր է մշտական ցավի։
«Իմ աչքի հետ մշտապես խնդիրներ են եղել։ Ես արդեն չեմ հիշում՝ երբ եմ կարողացել դրանով տեսնել։ Ես դրան արդեն սովորել եմ, բայց վախենում եմ, որ ավելի վատ կարող է լինել։ Ես ցանկանում եմ զուգընկեր և ընտանիք ունենալ՝ ինչպես մյուս նորմալ մարդիկ։ Բայց ես ստիպված եմ մազերիս հետևում թաքնվել»,-ասում է աղջիկը։
Չնայած որ տեղացի բժիշկների կարծիքով նրան այլևս հնարավոր չէ օգնել՝ Սոֆյան բուժվելու համար սկսել է բարեգործության միջոցով գումար հավաքել։
