Նյույորքցի Մայքլ Ֆայնբերգը դատի տվել CVS Pharmacy դեղագործական ցանցին, ում մեղադրում է իր անձնական կյանք անօրինական մուտք գործելու և իր ամուսնությունը խափանելու մեջ՝ գրում է The New York Post-ը:
Անցյալ տարի Մայքլը ձեռք է բերել Viagra-ի հինգ փաթեթ: Գնումը կատարելիս նա դեղատան աշխատակիցներին ասել է, որ վճարում է ամբողջական արժեքը և չի օգտվում բժշկական ապահովագրությամբ իրեն հասանելիք զեղչից, որպեսզի իր այդ քայլը գաղտնի մնա հարազատներից:
Մի քանի օր անց նրա կինը զանգել է նույն դեղատուն, որպեսզի իր համար դեղ պատվիրի: Դեղատան աշխատակիցներից մեկը նրան տեղեկացրել է ամուսնու կատարած գնումների մասին: Տղամարդը պնդում է, որ այդ միջադեպը պատճառ է դարձել, որ իր ընտանիքը քայքայվի, սակայն չի մանրամասնում, թե ինչպես:
Նա միայն շեշտում է, որ դեղատան աշխատակիցները խախտել են բժշկական ապահովագրության և դրանից օգտվողների անձնական տվյալների փոխանակման մասին օրենքը: Նա նաև պնդում է, որ նրանք իրեն հոգեբանական լուրջ վնաս են հասցրել:
