Morning Consult ընկերությունը հրապարակել է ամերիկյան սպառողի համար այս կամ այն գովազդային արտահայտությունների գրավչության վերաբերյալ հետազոտության արդյունքները։ Վերլուծաբանները հաշվել են, թե պիտակի վրա եղած գրությունները որ դեպքերում են դրական կամ հակառակը՝ բացասաբար ազդում հաճախորդի հետաքրքրվածության վրա։
Պարզվել է, որ գնորդների մեծ մասը բացասաբար է արձագանքում «vegan»` «բուսական» բառին. հարցվածների 35 %-ը գտնում է, որ նման բառերի օգտագործումը նվազեցնում է ապրանքի նկատմամբ հետաքրքրվածությունը։ Մասնակիցների միայն 17% է նշել, որ գովազդում այդ բառը իրենց համար գրավիչ է։ Առավել քիչ գրավիչ բառերի ցանկում են հայտնվել նաև «դիետիկ», «առանց շաքարի», «ճարպազրկված» բառերը։ Նման արձագանքը, ըստ սոցիոլոգների բացատրվում է նրանով, որ դիետիկ ապրանքները սովորաբար ավելի քիչ համեղ են համարվում։
Փաթեթավորման վրա առավել շահեկան բառերի շարքում են հայտնվել՝ «թարմ», «ֆերմերային», «սնուցող» և դրանցից ածանցվող բառերը։
