Ավստրիայի փոխկանցլեր Հայնց–Քրիստիան Շտրախեն կասկածի տակ է դրել ԵՄ սահմաններում՝ ապրելու և աշխատելու վայրի ազատ ընտրության իրավունքը, որը դաշինքի իրավունքների անկյունաքարն է համարվում։ Այս մասին գրում է Spiegel պարբերականը
«Մենք պետք է բաց քննարկենք, որ այնքան էլ լավ չէ եվրոպական զարգացման համար այն, որ ողջ ինտելեկտուալ, լավ կրթված արևելաեվրոպական ներուժը դեպի Արևմտյան Եվրոպա է ձգվում»,– Վիենայում հայտարարել է Ազատության ուլտրաաջ կուսակցության առաջնորդը՝ Եվրամիության բարեփոխման կոչ անելով։
Նրա խոսքերով՝ մարդկանց ազատ տեղաշարժի իրավունքը նաև բացասական հետևանքներ ունի և, օրինակ, աշխատանքի շուկայում «ֆինանսական» ճնշումների է բերում։
Այսպիսով, մարդիկ կան, «ովքեր լավ որակավորում ունեն և լավ վաստակում են, և որոնց գործազրկության են դրդում՝ փոխարինելով ավելի էժան աշխատուժով»,– նշել է Շտրախեն։
