Թուրքիան քննադատել է Ֆրանսիայի նախագահ Էմանուել Մակրոնին, ով, խոսելով Էրդողանին բռնակալ անվանած ամսագրի վերաբերյալ, հայտարարել է խոսքի ազատության իրավունքի մասին։
Ֆրանսիական Le Point ամսագիրը լույս է տեսել շապիկով, որի վրա էրդողանի նկարն է՝ «Բռնակալ. որքան հեռուն կգնա Էրդողանը» վերնագրով։
Անցյալ ոչ աշխատանքային օրերին ֆրանսիական Ավինյոն քաղաքում թուրքամետ ակտիվիստների խումբը գրոհել էր մի քանի թերթի կրպակներ՝ փորձելով հավաքել ամսագրի գովազդները։
Մակրոնը Twitter-ում գրել է, որ Էրդողանի կողմնակիցների գործողությունները «բացարձակ անընդունելի են», իսկ նման պաստառները չեն կարող հանվել միայն այն պատճառով, որ դուր չեն գալիս «ազատության թշնամիներին»։ «Դուք չեք կարող սահմանել մամուլի ազատության գինը, առանց ազատության դա բռնատիրություն է»,– գրել է նա։
Թուրքիայի արտգործնախարար Մեվլյութ Չավուշօղլուն գրել է իր Twitter-ում, որ Ֆրանսիային չէր խանգարի նաև Էրդողանի կողմնակիցներին պաշտպանելը։
«Դեմոկրատիան չի սահմանափակվում միայն մի կողմի վիրավորանքները, անեծքներն ու սուտը ընդունելով, այլ նաև հաշվի է առնում մյուս կողմի կարծիքն ու զգայունությունը»,– գրել է Չավուշողլուն՝ ի պատասխան Մակրոնին։
