ԵՊՀ ուսանողներն այսօր բողոքի ակցիա էին իրականացնում, նրանց գլխավոր պահանջն էր՝ ԵՊՀ ռեկտորի հրաժարականը: Թեմայի շուրջ «Առաջին լրատվական»- ի հետ զրույցում ԱԺ փոխնախագահ, ԲՀԿ պատգամավոր Միքայել Մելքումյանը կարծիք հայտնեց, որ եթե ԵՊՀ ռեկտորը անցյալ ժամանակաընթացքում, բացի ռեկտոր լինելուց, նաև քաղաքական բովանդակությամբ գործունեություն է ծավալել, պետք է հեռանա: «Մի շարք բարձրագույն պաշտոնյաներ, ճիշտ կլիներ, որ քաղաքական թիմի առաջին դեմքի հետ հեռանային»,- նշեց Մ. Մելքումյանը:
Անդրադառնալով դիտարկմանը, որ ԱԺ-ում այսօր ներկայացվեց Կառավարության 2017թ. հաշվետվությունը, Մ. Մելքումյանը նշեց. «Մենք ընդդիմություն էինք նախկին նախարարին, մեր հարցերը նախկին փուլին էին վերաբերում»:
Ն. Մելքումյանը նշեց, որ եթե անգամ տնտեսական աճը 7,5 տոկոս է կազմում, հնարավոր է կենսաթոշակները բարձրացնել գոնե 2-3 հազար դրամով, նա չի կարծում, որ այդ մասին իր առաջարկը պոպուլիզմ է:
Մելքումյանը նաև հիշեցրեց, որ ԱԺ-ում խոսել է «Նորֆոլկ» ընկերության մասին, որն իր ենթադրությամբ «խոշոր ձուկ է»՝ բարձրաստիճան պաշտոնյաների է պատկանում:
Մելքումյանը ներկայացրեց իր դիտարկումներն այն մասին, թե ինչպես է հնարավոր կոռուպցիոն բուրգը կազմաքանդել:
ԱԺ փոխնախագահի դիտարկմամբ՝ նոր իշխանությունը կայունացման խնդիր ունի. «Մենք շահագրգռված ենք, որ մինչև տարեվերջ տեղի ունենան արտահերթ ընտրություններ»: Նա նաև կարծիք հայտնեց, որ այս իշխանությունն այնքան մեծ իմաստության քվե ունի, որ կարող է արմատական ռեֆորմ անել:
Մանրամասները՝ տեսանյութում:
