Ավստրիայում պահպանողականները և աջակողմյան պոպուլիստները ծրագրում են կրճատել սոցիալական նպաստների չափը։ Նպաստները կկրճատվեն այն անձնաց համար, որոնք չեն կարողանա հաստատել գերմաներենի իմացությունը։ Համապատասխան ծրագրերի մասին երկուշաբթի, մայիսի 28-ին խոսել է դաշնային կանցլեր Սեբաստյան Կուրցը։
«Հիմնական օրենքը, որ մենք կսահմանենք, կլինի այն մասին, որ գերմաներենը բանալի կդառնա նվազագույն նպաստն ամբողջությամբ ստանալու համար։ Դա նշանակում է, որ նա, ով բավարար չափով չի տիրապետում լեզվին, չի կարող դրան հավակնել»,-ասել է Կուրցը։
Նորամուծությունների համաձայն՝ մեկ մարդու համար նվազագույն նպաստը ամսական 563 եվրո կկազմի։ Ավստրիացիների համար այդ գումարը կարող է հասնել ամսական 863 եվրոյի՝ պայմանով, որ լեզվի քննությունը հաջողությամբ կհանձնեն։
