ԿՀՎ և ԱԱԳ նախկին աշխատակից Էդվարդ Սնոուդենը կարծիք է հայտնել, որ Ռուսաստանի նախագահին ոչ ոք չի սիրում այնպես, ինչպես ԱՄՆ նախագահ Դոնալդ Թրամփը: Նախկին գործակալի խոսքերը մեջբերում է Huffington Post-ը:
Սնոուդենի կարծիքով՝ հատուկ դատախազ Ռոբերտ Մյուլլերը հետաքննության ընթացքում՝ կապված 2016թ. ԱՄՆ նախագահի ընտրություններին ՌԴ միջամտության հետ, չի կարող ապացուցել Սպիտակ տան ներկայիս ղեկավարի կապը Մոսկվայի հետ:
«Աշխարհում ոչ ոք Պուտինին չի սիրում այնպես, ինչպես Թրամփը: Բայց կարծում եմ՝ մարդիկ ուզում են շատ ավելին՝ հույս ունենալով, որ Մյուլլերի հետաքննությունը կգտնի օբյեկտիվ ապացույց Թրամփի դեմ»,- հայտարարել է Սնոուդենը:
Նա նաև կասկած է հայտնել, որ Ռուսաստանը «հավաքագրել է» Թրամփին, որովհետև «յուրաքանչյուր ոք, ով լսել է, թե ինչպես է Թրամփը խոսում 3 րոպեում, գիտի, որ դա թույլ համար է»:
ԿՀՎ նախկին աշխատակիցը նշել է, որ այս ամենը չի նշանակում, թե Թրամփը չի ցանկացել համագործակցել Մոսկվայի հետ:
Հիշեցնենք, որ Նահանգները բազմիցս մեղադրել է Թրամփին ՌԴ-ի հետ «դավադրության» մեջ, ինչը, սակայն, հերքել են և՛ Սպիտակ տանը, և՛ Կրեմլում:
