Ինչով է վտանգավոր տան մաքրությունը

Քաղցկեղի ուսումնասիրման ինստիտուտի մասնագետների կարծիքով՝ հիվանդությանն ամենից շատ հակված են այն երեխաները, որոնք կյանքի առաջին տարիներն անց են կացրել «ստերիլ» պայմաններում՝ խուսափելով հասարակական վայրերից և այլ երեխաների հետ շփումներից։

Գիտնականները պարզել են, որ ստերիլ մաքրությունը տանը կարող է երեխաների մոտ լիմֆոբլաստային լեյկոզ առաջացնել։ Հետազոտության արդյունքները տպագրվել են MedicalXpress պարբերականում։ Փորձագետները տասնյակ աշխատանքներ են հետազոտել, որոնցում նկարագրված է տվյալ հիվանդությունը։ Նրանք պարզել են, որ հիվանդությունը երկու փուլով է ձևավորվում։ Առաջին փուլում գենետիկ մուտացիա է տեղի ունենում և սաղմի մոտ վտանգավոր հիվանդության նկատմամբ հակվածություն է առաջանում։ Հետագայում սովորական մրսածությունն էլ կարող է սուր լիմֆոբլաստային լեյկոզ հարուցել։

Ընդ որում, գիտնականները նշում են, որ վաղ տարիքում մաքրության մեջ ապրող երեխաների մոտ ավելի հաճախ է ի հայտ գալիս այս հիվանդությունը։ Մսուրային տարիքից մանկապարտեզ հաճախող երեխաներն ավելի քիչ են հակված տվյալ հիվանդությանը։