Մեքսիկայի Գուանախուատո նահանգում վերջին օրերին բռնության ալիք է տարածվել: Նահանգի տարբեր հատվածներում 62 մարդ է սպանվել: Այդ մասին տեղեկացնում է hronika.info-ն:
Նշվում է, որ ամենաաղմկահարույց դեպքը եղել է մայիսի 25-ին Սալամանկա քաղաքի փողոցում 11 սպանվածների հայտնաբերումը: Սպանվածներից 8-ի մարմինները մասնատված և տեղավորված են եղել սև տոպրակներում:
Ինչպես նաև առանձնացվում է չորեքշաբթի և հինգշաբթի օրերին Սելայա քաղաքում կատարված սպանությունները, որոնց զոհ է դարձել 10 մարդ:
Մի շարք դեպքերում մարդասպանները սպանվածների դիերի մոտ թողել են այսպես կոչված «նարկոհաղորդագրություններ»՝ որպես սպառնալիք իրենց մրցակիցներին:
Գուանախուատո նահանգը վիճաբանության առարկա է հանդիսանում թմրանյութերի տարածմամբ և վաճառքով զբաղվող մի քանի խոշոր օղակների համար, որոնցից յուրաքանչյուրը ցանկանում է իր վերահսկողության տակ վերցնել տարածքները:
