Այսօր Ազգային ժողովի ճեպազրույցների ժամանակ լրագրողները ՀՀԿ խմբակցության ղեկավար Գալուստ Սահակյանից հետաքրքրվեցին՝ «Ժառանգության» առաջարկով համապետական-հանրապետական գործադուլի դեպքում ինչպե՞ս է վարվելու ՀՀԿ-ն:
Սահակյանը նախ փորձեց հասկանալ՝ ինչ հանրապետական գործադուլի մասին է խոսքը: Լրագրողները հստակեցրին՝ պարտադիր կուտակային կենսաթոշակային համակարգի դեմ՝ հանրապետության մասշտաբով:
«Իրենք էս արդեն քսան տարի է՝ գործադուլի մեջ են, էլի, նորից ուզում են գործադո՞ւլ անել: Իրենք գործադուլի մեջ են, էլի»,- ասաց նա:
Խմբակցության ղեկավարին բացատրեցին՝ խոսքը ոչ թե «Ժառանգության», այլ համապետական գործադուլի մասին է: «Բայց ո՞վ պիտի անի, ասում եք՝ «Ժառանգությո՞ւնը», ասում եմ՝ «Ժառանգությունը»,- ասաց նա, ապա զարմանքով նկատեց. «Մի կողմից՝ ասում են՝ մեզ մոտ աշխատատեղ չկա, մյուս կողմից էլ՝ գործադուլ պիտի անեն: Էդ ինչ-որ երազախաբության պես բան է «Ժառանգության» համար»:
