Այսօր՝ մայիսի 23-ին, ԱԺ-ում քննարկվում է ՀՀ դատախազության 2017թ. գործունեության մասին հաղորդումը:
Դիմելով գլխավոր դատախազ Արթուր Դավթյանին՝ «Ելք» խմբակցության պատգամավոր Էդմոն Մարուքյանը ասաց. «Որքան դուք պատասխանում եք մեր հարցերին, այնքան ավելի եք բարդացնում ձեր՝ առանց այն էլ բարդ վիճակը: Դուք փաստորեն ասում եք, թե մարդկանց կարող ենք բաց թողնել, որովհետև նախկին պաշտոնյաները չկան»:
«Դուք ասացիք, որ քաղաքական էլեմենտի պատճառով ՀՀԿ փոխնախագահի միջնորդությամբ դուք հետ եք վերցրել մեր գործընկերների նկատմամբ ձեր կողմից իրականացված միջնորդությունը ԱԺ-ից: Սա խոսում է այն մասին, որ դուք, ըստ էության, քաղաքական հետապնդում եք իրականացրել և քաղաքական նկատառումներով էլ հետապնդումը դադարեցրել եք»,- ասաց Էդմոն Մարուքյանը:
Գլխավոր դատախազի պատասխանից հետո Էդմոն Մարուքյանն ասաց. «Ես ձեզ առերեսում եմ ձեր հայտարարությունների հետ, որից դուք ներվայնանում եք»:
Մանրամասները՝ տեսանյութում:
