ԱՄՆ նախագահ Դոնալդ Թրամփն օգտվում է բջջային հեռախոսից, որը չունի անհրաժեշտ անվտանգության գործառույթները։ Այս մասին հաղորդում է Politico-ն։
Նշվում է, որ Թրամփն առնվազն երկու iPhone է օգտագործում։ Մեկը նրան անհրաժեշտ է Twitter-ում լուրերը կարդալու, նորությունների ժապավենը ստուգելու և հրապարակումների համար, երկրորդը՝ զանգերի համար։ Երկու գաջեթներն էլ տրվել են Սպիտակ տան մասնագետների կողմից։
Ավելի հաճախ ԱՄՆ առաջնորդն օգտագործում է հենց առաջին բջջային սարքավորումը, բայց այն անվտանգության միջոցներ չունի, որոնք կարող են կանխել պոտենցիալ լրտեսումը։ Թրամփը նաև հրաժարվել է յուրաքանչյուր ամիս փոխել Twitter-ի համար նախատեսված հեռախոսը, և այդ հեռախոսն անվտանգության փորձագետները չեն ստուգել արդեն 5 ամիս։
Հեռախոսազանգերի համար հեռախոսը պետք է մեկանգամյա օգտագործման լինի, սակայն ԶԼՄ-ներին հայտնի չէ, թե որքան հաճախ են փոխում այն։ Իսկ Թրամփի շրջապատում ասել են, որ նա հաճախ է իրենց զանգահարում։
