Նոյեմբերի 28-ին ԱՄՆ-ում նշված Գոհաբանության տոնին հաջորդած մեծ վաճառքի օրերին այս տարի գնորդները ծախսել են 3 տոկոսով քիչ, քան անցած տարի: Հերթական «կիբերերկուշաբթիից» ստացված եկամուտները ռեկորդ են սահմանել՝ գրում է RBK-ն: Ընդհանուր առմամբ ամերիկացիներն այդ օրն ավելի քան 2 մլրդ դոլար են ծախսել:
«Կիբերերկուշաբթին» երկար տարիներ մնում է ամերիկացի մանրածախ առևտրականների համար «շոփինգի» խոշորագույն օր: Խանութները սկսում են կորցնել իրենց մասնաբաժինը շուկայում, իսկ համացանցային ռիթեյլերները՝ հակառակը, հայտնել է Forrester-ի վերլուծաբան Սուչարիտա Մուլպուրուն:
Համաձայն կանխատեսումների՝ տոների շրջանում ռիթեյլերների կողմից իրականացվելիք վաճառքի ընդհանուր ծավալը կաճի 3.9 տոկոսով՝ հասնելով 602.1 մլրդ դոլարի: Միևնույն ժամանակ առցանց խանութների աճի ցուցանիշը կլինի հինգ անգամ ավելի:
Adobe-ի վերլուծաբան Թամարա Գաֆնիի խոսքով՝ բջջային սարքերից կատարված գնումներն անցած տարվա համեմատ 80 տոկոս աճ են գրանցել: Սա առաջին տոնական սեզոնն է, երբ բջջայիններից կատարված գնումները նման մեծ մասնաբաժին են կազմում:
