Լոնդոնի քաղաքապետ Սադիկ Խանն առաջարկել է մանկական ճարպակալման դեմ պայքարի ռազմավարության շրջանակում արգելել հանրային տրանսպորտում անառողջ սննդի գովազդը: Այս մասին նա գրել է Evening Standard-ում հրապարակված հոդվածում:
Խանն ուշադրություն է հրավիրել այն հանգամանքի վրա, որ ավելորդ քաշով երեխաների թիվը մեծ է հատկապես Լոնդոնի սոցիալապես անապահով թաղամասերում՝ նշելով, որ անթույլատրելի է առողջ սննդի հասանելիության սահմանափակումը՝ անկախ բնակչության եկամտի մակարդակից:
«Ես արդեն տվել եմ մի շարք նոր նախաձեռնությունների մեկնարկը՝ հանրային սպորտային ծրագրերի ֆինանսավորումից մինչև լոնդոնցիների շրջանում ոտքով կամ հեծանիվով զբոսանքի հանդեպ սեր արթնացնելը: Եվ այսօր լոնդոնյան արդյունաբերական ռազմավարության փաթեթի շրջանակում առաջարկում եմ արգելել անառողջ սննդի գովազդը մետրոյում, տրամվայներում եւ ավտոբուսներում»,- գրել է նա:
Խանն ընդգծել է, որ երեխաներն «առանձնահատուկ են ընկալում» գովազդը, ինչը կարող է «լրացուցիչ ճնշում գործադրել, երբ գործը հասնում է ուտելիքի եւ ըմպելիքի ընտրությանը»:
