Ուղիղ երկու շաբաթ է մնացել նոր սերնդի Mercedes-Benz C-class-ը ներկայացնելուն, ամեն դեպքում՝ վիրտուալ ձևով: Այդ օրը կսկսվի նորույթի պատվերների ընդունումը, իսկ հանրային ցուցադրությունը տեղի կունենա միայն հաջորդ տարվա հունվարին՝ Դեթրոյթի ավտոսրահում, հայտնում է auto.vesti.ru-ն:
ԶԼՄ-ների հաղորդմամբ՝ նոր ավտոմեքենան առաջին անգամ կներկայացվի դեկտեմբերի 16-ին, բլոգերների տվյալներով՝ այդ օրը կլինի մեքենայի վիրտուալ շնորհանդեսը:
Հայտնում են, որ նոր ավտոմեքենան կառանձնանա թափքի ձևավորման լայն ընտրությամբ, այդ թվում՝ անսովոր կապույտ գույնով: C-դասի նոր սերունդը կունենա որոշ տեխնոլոգիաներ, որոնք նախկինում հասանելի էին միայն ավելի հեղինակավոր S-դասի համար:
Սպասվում է, որ С-դասը նոր տիպի թափք կունենա՝ Sportcoupe-ը կդառնա այնպիսի մոդելների մրցակիցը, ինչպիսին են՝ Audi A5 Sportback-ը և BMW 3 Series GT-ն: С-դասի ընտանիքում կլինեն նաև ավանդական սեդանը, ունիվերսալը և կուպեն, ինչպես նաև կաբրիոլետը:
Mercedes-Benz-ը մտադիր է թողարկել նաև С-դասի երկու հիբրիդային մոդելներ՝ բենզինային և դիզելային շարժիչներով: