Հայաստանում վերջապես ինչ-որ անհավանական բան է տեղի ունենում։ Այս մասին իր ֆեյսբուքյան էջում գրել է հայտնի համաշխարհային երաժիշտ Սերժ Թանկյանը՝ էջում տեղադրելով նաև այս պահին Հանրապետության հրապարակում անցկացվող բողոքի ցույցի ուղիղ հեռարձակումը։
«Քաղաքացիական անհնազանդությունն աճում է և ընդունում գործադուլների և դասադուլների տեսք՝ ընդդեմ անարդարացի, կաշառակեր իշխող վերնախավի։ Այս շաբաթը նոր Հայաստանի շաբաթն է՝ ինչ էլ լինի, անտարբերությունը ցրվել է։ Սերժ Սարգսյանն ինքն խոստովանեց, որ հնարավոր է, բնակչության 60 տոկոսն իրեն չի սիրում և համաձայն չէ իր հետ։ Այնուամենայնիվ, նա համառ է իր հովանավորչական վերաբերմունքի և կառավարման հարցում։ Սե՛րժ, չեմ ցանկանում անքաղաքակիրթ երևալ, բայց դու մեր հայրը չես, և մենք քո զավակները չենք։ Դու ծառայել ես հայ ժողովրդին և այլևս կենսունակ, հարգված առաջնորդ չես, կկանգնես արդյոք թե՞ կշարունակես անարդյունավետ և այս պահին վտանգավոր կառավարումը։ Ինչպես ասում են՝ երգը դեռ երգված չէ»,-գրել է նա։
