ԱՄՆ պաշտպանության նախարար Ջեյմս Մեթիսը նախազգուշացրել է, որ Ռուսաստանից և Ասադի այլ դաշնակիցներից սպասվում է «ապատեղեկատվության լայնածավալ արշավ»՝ Սիրիայի ուղղությամբ հարվածներից հետո: Այս մասին հայտնում է Times of Israel-ը:
Ընդ որում, ԱՄՆ-ը ընդգծում է՝ հարվածների թիրախներն այնպես են ընտրվել, որպեսզի զրկեն Սիրիայի կառավարությանը քիմիական զենք կիրառելու հնարավորությունից և խուսափեն Ռուսաստանի դիրքերի վրա ընկնելուց:
ԱՄՆ պաշտպանության նախարարը հայտարարել է, որ ԱՄՆ-ի, Մեծ Բրիտանիայի և Ֆրանսիայի հարվածները Սիրիայում կոչված են նախագահ Բաշար Ասադին «հստակ ուղերձ» հղելու և թույլ չտալու երկրում քիմիական զենքի հետագա կիրառումը:
«Եկել է քաղաքակիրթ երկրների արագ միավորման ժամանակը, որպեսզի վերջ դրվի Սիրիայում քաղաքացիական պատերազմին՝ ՄԱԿ-ի հովանու ներքո Ժնևի խաղաղ բանակցություններին աջակցելու ճանապարհով»,- պարբերականը մեջբերում է Մեթիսի խոսքերը:
Դրա հետ միասին Մեթիսը նախազգուշացնում է, որ հրթիռային հարվածների հետ կապված՝ Ռուսաստանից և Ասադի այլ դաշնակիցներից սպասվում է «ապատեղեկատվության լայնածավալ արշավ»:
