«Քաղաքացիական ակտիվ քայլը չի լռում, ջրի երես է դուրս եկել։ Պարզապես խոսելու բան չկա»,- «Առաջին լրատվական»-ի հետ զրույցում ասաց դերասան Սերգեյ Դանիելյանը։ Նրա խոսքով՝ եթե հասարակությունը դուրս է գալիս, ընդվզում է, դա երբեք ապարդյուն չէ, դա թեկուզ քո բռնապետին՝ Մոսկվային, ցույց է տալիս, որ դու ոչխար չես, հոտ չես, դու ժողովուրդ ես և ամեն վայրկյան պատրաստ ես ազատ ապրել։ Սերգեյ Դանիելյանը համակարծիք է, որ եթե հարյուր հազար քաղաքացի դուրս գա փողոց, այլ իրավիճակ կլինի:
«Հարյուր հազարի դեմ, քսան հազարի դեմ ինչ պետք է անի։ Ի վերջո, ոստիկանն էլ է մարդ, ինչ-որ մեկի հայրն է, տղան է, սիրեկանն է»,- ասաց նա։
Իսկ թե ինչու են պասիվ քաղաքացիները, Սերգեյ Դանիելյանը նշեց, որ մի մասը հիասթափված է, մյուս մասը ճամպրուկն է հավաքել, իսկ երրորդ մասն էլ վախենում է կորցնել 80.000 դրամանոց աշխատանքը: «Ի վերջո, ճիճվի մտածելակերպ է. ճիճուն գլուխ չունի, որտեղից կտրում ես, միևնույն է՝ աճում է»,- հավելեց Սերգեյ Դանիելյանը։
Ամբողջությամբ՝ տեսանյութում։
