Սիրիական ազատ բանակը հայտարարել է, որ չի դադարեցնի ռազմական գործողությունները երկրում «Ժնև-2» համաժողովի ընթացքում՝ հաղորդում է RIA Novosti-ն:
Սիրիական ազատ բանակի ներկայացուցիչները նաև հայտարարել են, որ մտադիր չեն մասնակցել համաժողովին:
Հիշեցնենք, որ համաժողովը տեղի է ունենալու Ժնևում հունվարի 22-ին: ՄԱԿ-ի Գլխավոր քարտուղար Պան Գի Մունը հույս է հայտնել, որ համաժողովը կդառնա Սիրիայի քաղաքացիական պատերազմի ավարտի գործիք:
Ավելի վաղ Սիրիայի Ազգային կոալիցիայի ղեկավարի խորհրդական Մունզեր Աքբիքը հայտարարել էր, որ Սիրիայի ընդդիմությունը «Ժնև-2» միջազգային համաժողովին պետք է մասնակցի միասնական ճակատով:
