Վերա Բրեժնևայի կյանքում իրադարձություններն արագ փոխարինում են մեկը մյուսին. երգչուհին նկարահանվում է ֆիլմում, համերգներ է տալիս, մասնակցում է TV-շոուներին: Նույնիսկ այս իրարանցման մեջ նա չի մոռանում սպորտով զբաղվել:
Օրերս Վերա Բրեժնևան ֆիթնեսի իր մարզչի՝ Վիկտորյա Բեզուշկոյի հետ մասնակցել է «1+1» ուկրաինական հեռուստաալիքի առավոտյան ծրագրին: Հարցազրույցի ընթացքում նա պատմել է, որ հյուրախաղերի ժամանակ ստիպված է համացանցով մարզվել:
«Երբ ես անձնական շփման հնարավորություն չունեմ, Skype-ով եմ մարզվում: Անհանգստացնում եմ Վիկտորյային, քանի որ չեմ ուզում ոչինչ կորցնել: Իրականում ես սիրում եմ սպորտով զբաղվել՝ դա իմ ապրելաոճն է: Անխոս, երբեմն պառկել ու պառկել եմ ուզում, սակայն գիտեմ, որ դա ոչ մի լավ բանի չի բերի: Մեր մարզումներն ընդամենը մեկ ժամ են տևում: Սեփական կյանքից կարելի է այդ մեկ ժամն առանձնացնել, որպեսզի հետագայում հայելու մեջ նայելը հաճելի լինի»:
Երգչուհին խոստովանել է նաև, որ մարզումների շնորհիվ երկու ծննդաբերություններից հետո էլ արագ է վերականգնվել:
«Կարող եմ ասել, որ երկրորդ դստերս ծնվելուց տասն օր անց արդեն բեմում ելույթ եմ ունեցել և ինձ բացարձակապես նորմալ եմ զգացել: Իսկ «Սերը կփրկի աշխարհը» տեսահոլովակը նկարահանվել է Սառայի ծնվելուց երեք շաբաթ անց:
