Կանադական Մաքգիլ համալսարանի կենսաբանները բացահայտել են, թե ինչպես է ճուտիկը կոտրում ձվի ամուր շերտը և դուրս գալիս: Գիտնականների աշխատանքի մասին հոդվածը հրապարակվել է Science Advance ամերիկյան հրատարակչությունում:
Մասնագետները բացատրել են, որ ձվի կեղևը կազմված է 3 շերտերից, և դրանք բոլորը տարբերվում են իրենց քիմիական կազմով: Հետազոտության ընթացքում պարզ է դարձել, որ կեղևը ներսից կոտրելն ավելի հեշտ է, քան դրսից: Հենց այս կառուցվածքն է ճուտիկին պաշտպանում արտաքին ազդեցություններից:
Արդյունքում գիտնականները պարզել են, որ երբ պտուղը գտնվում է սաղմնային փուլում կեղևը շատ պինդ է, իսկ ձագուկի աճման ընթացքում այն դառնում է ավելի առաձգական, հետևաբար, ծննդյան ժամանակ դժվար չէ կոտրել այն:
